Наурыз мейрамын жоғары сынып оқушылары «Наурыз-Думан» атты ән фестивалімен бастады. Әрбір сынып мемлекеттік тілде көктем тақырыбына арнап ән шырқап,би билеп мерекені жандандыра түсті. Фестиваль қорытындысы бойынша өнерлі өрендерге әр түрлі номинациялар берілді. Мерекелі ән кеші жас жеткіншектерге қуаныш сыйлады.
Бүгін 1 лицей-мектебінде таңертеңнен мерекелік қарбалас басталды. Мектеп дəлізінде орналасқан киіз үйдегі жайлы қонақжайлылық дастарқанынан мектепке келген ата-аналар, оқушылар жəне де болашақ 1-сынып оқушылары дəм тартты. Қонақжайлылық дастарқаны, шындығында да, береке, бірліктің, молшылықтың дастарқанына айналды. Ата-аналар да, оқушылар да ризашылықтарын алғыспен білдіріп жатты.
“Киіз үй-fest” көрмесі Наурыз мерекесіне орай облыстық “Шаңырақ”жобасын жүзеге асырудың соңғы кезеңі болып табылады. Жобаның мақсаты: – Мектептің педагогикалық және оқушылар ұжымдарымен қазақтың ұлттық киіз үйін құру; – ұлттық шығармашылықты жаңғырту және дамыту, өскелең ұрпаққа эстетикалық, еңбек, отбасылық, ұлттық және патриоттық тәрбие беру.
Наурыз мейрамы қарсаңында бүгін қаламыздағы 36 мектеп оқушыларымен «Асық ату» ұлттық ойыны бойынша жолдастық кездесу өтті. Бұл шараға бастауыш сынып оқушылары қатысты. Кездесу барысында екі мектептің оқушылары өздерінің ептіліктерін көрсете білді.
